بسم الله الرحمن الرحيم …
هذي قصة محور حديثها عن صف …
أي صف … يعني لمن تدشين المدرسة في شي مثل الغرف …
يحطون فيها بنات ويقعدون يدخلون المعلومات قصب … والي مادخلت المعلومه براسها عاقبوها بشي اسمه صقوط ((الله لا يبلانا ولا يبلاكم)) وترد تقعد بنفس السجن …
المهم مو هذا محور حديثنا … بعد حتى الصف تبوني اشرحة …
المهم الصف هو صف 12ع/1
يتكون من 27 طالبة … قولوا مشاء الله <<< شكوووو >>>>
وانا كاتبة هالقصة وحدة من شباب اقصد بنات الصف …
كان يمنا صف 12ع/2
كل اسبوع يودونهم رحلة … هو عذرهم انعم اعقل منا … احنا اشطر … بس الي بالجدر يطلعة الملاس .. <<<شكوووو>>>
ويعني حرام بنات الصف فيهم طاقة زايدة ويحاولون يطلعونها بين الحصص …
لكن المدرسات محنجيلهم … وخاصة مدرسات الاحياء …
والمسكينة ابلة سااارة … تقول ان مخها يطبخ …
المهم جان تزيد شطانتا لين جتنا ابلة رجاء خااااصة للصف جان تزفنا ذيك الزفة …
ابلة رجاء : انتو شنو عبالكم مافي غيركم بالمدرسة … وهذا وانتوا اكبر ناس ولا صف علمي …
ترى مو لانكم وصلتوا 12ع هذا يعني انكم كاملين عقليا …
حركاتكم هذي بس تدل انكم مختلين نفسيا والله يعز الحكومة بنت مدارس خاصة للفئة هذي …
وكل حركة بتسجل بملفج وشوفي أي كلية او أي جامعة تقبلج …
شفيكم سكتوا تو صوتكم واصل الادارة يالله اشوف وحدة تتكلم …
قولولي شنو تبوني اسوي … شنو الي بيرضيكم …
جان تقوم ابتسام بكل شجاعة مسكينة فهمت ابلة رجاء غلط …
ابتسام : ابلة ودونا رحلة …
ابلة رجاء : ولج عين بعد تقومين وتحاجيني …
<< عجل لية تبيني اقوم >>
المهم وصلت هالسالفة لابلة كواكب …
واحنا بجينا عند ابلتنا الغالية ابلة لطيفة لان ما في غيرها يتقبل خبالنا …
وتفهمت … أي تفهمت شفتوا …
جان تخطر ببال ابلة لطيفة فكرة جهنمية …
وناقشت ابلة كواكب فيها …
ويال العجب ابلة كواكب وافقت على اقتراحها …
والله يستر ..
دخلت ابلة لطيفة الصف وفي قلبها بشارة تقرقع …
قرقيعان وقرقيعان بيت قصير ورمضان عادت عليكم صيام كل سنة وكل عام …
عطونا الله يعطيكم بيت مكة يوديكم …
مو قضيتنا …
ابلة لطيفة : بنات بتروحون المكسيك ….
بنات الصف : هييييييييييييييييييييييييييييييييييييييييييه هيا هيا هيا …
ابلة لطيفة : خلاص مافي رحلة …
بنات الصف : هدوووووووووء
ابلة لطيفة : شوفوا بتروحون بس بشروووط …
بنات الصف : شنو ابلة …
ابلة لطيفة : أي ليه تبون تروحون هناك وتنطلقون ..
نوف <<المتنبي>> : أي بنات لازم في شروط تفضلي ابلة ….
والكل يشهد انها اول وحدة معارضة للشروط
الشروط …. :
1- راح نقعد لمدة اسبوع بالمكسيك يعني بالعربي الكل يزهب جنطته وول وحدة تقول نسيت الشغلة الفلانية …
2- عند طلعاتنا راح نكون ملتزمين باللبس الرسمي <<ملابس المدرسة>>
3- طلعاتنا راح تكون كلها تخص الرياضيات والاحصاء
4- غير مواعيد النوم والقعدة واغدة … يعني الي يطوفها شي تتحمل نتايجه
بكل اعتراض ….
نوف : لا يا ابلة قلنا شروط بس مو جذي
" مو قلنا اول وحدة "
امل : "بكل دلع وجنها بتبجي" ابلة حرام عليكم مايصير
فرح : "خلاص عصبت" وشصار بالدنيا نروح بملابس المدرسة … بلا قلة آدآب …
انفال : وناااسة اهم شي رحلة …
مريم : وع شنو ملابس مدرسة …
هدى : شنو شسالفتكم … " ردت كملت نومتها "
ابتسام : لحظة لحظة شنو ملابس مدرسة …
عمشة : انتي شكو …
ابتسام : شنو شكو .. يعني ما اروح
عمشة : لا تروحين محد غاصبج …
وبدت الهوشة ومراح تخلص … خلنا منهم …
انوار مرشد : تضحك " بس بصامت"
وشوق لاهية مع سالفتها الي تقولها لتحرير …
ابرار : كيفكم الي تبونه بنسويه …((اكيد ما همها لان هي ما تلتزم بقوانين المدرسة بتلتزم بالرحلة)) ….
المهم ودارت النقاشات … ومراح تخلص كالعادة … وبالنهاية قصبن عنهم وافقوا … بس هم يحبون يطولون السوالف …
ردوا البنات بيوتهم باوراق الموافقة … وقعهوها الاهل … وعلى طول شلعوا للسوق ..
أي عجل ياخذون خلاجينهم وياهم للمكسيك …
والاخت تحرير لازقة بالابتوب وطرشت امها تشتريلها .. مو لقناعتها بذوق امها .. لا لأن هي لازقة بالاب وما تقدر تخليه …
ابتسام وعمشة تلاقوا في احد المحلات وكانوا عارضين قطعة عجبتهم ثنتينهم والمشكلة انها اخر قطعة … وقعدت كل منهم تسحب بالقطعة والي بتاخذها هي الي بتشتريها …. انقطعت …
أي انقطعت … واخر شي دفعوا سعرها بالتساوي …
ابرار مايحتاج السوق … السوق ببيتها … لمن جت اجمعت اغراضها يمكن فوق 5 جنط … ترى هذا بس مكياج وعطور …
عيل شخلت البنت بالديرة …
نوف الحباج دخلت محل ملابس قالت للبياعة في من مثل هالقطعة بس زرقة …
البياعة قالت لا ما في غير الاخضر والوردي … تبين أي وحدة … ول تبيني اطلع لج موديلات لونها ازرق اذا عاجبك اللون …
نوف مابي زعلت … بروح المحل الثاني …
اففف ما خلت شي ما زعلت منه …
دلال بمحل ملابس بعد … يمه اخذ اسود ول ابيض …
امها : يابنت كل ملابسج ابيض باسود … شنو بتمثلين فلم ابيض واسود .. يبنت انتي صغيرة اخذي اللوان فاتحة
وعندنا امل …. امها : امول شمي هالعطر حلو ..
امل : لا يما مابيه … ريحته تغث … يما ابي العطر الي ببالي … " لا خلاص البنت قاضية بتبجي .. "
بشاير : ما اظن انها بتشتري شكلها تبيع ….والله لا تلوموني دلالة مو بشاير …
انا مولازم اقولكم شنو شريت …. تبون تعرفون شنو شريت …. !!!
هم مو لازم تعرفون …
مريم وانفال تلاقوا بالسوق …
مريم : نفول …
انفال : مريوووومة ….
((الحمد لله والشكر جن مو شايفين بعض من سنين ))
هدى ….
ام هدى : هدى ماراح تروحين السوق
